點係中國大陸銀行開戶口(廣東話版)

對於香港人來講喺中國大陸開銀行戶口其實簡單。只需要帶張回鄉咭，一個中國大陸手機電話號碼(按此有教學)，住址証明同錢就可以。可以用銀行信件或水電費單做住址証明。錢方面就要注意，而家無論出同入都好，最多可以帶二萬元人民幣過闗。(2016/17年）

呢度用嘅係建設銀行。喺羅湖口岸同福田口岸(落馬州)附近都有分行。攔關口附近銀行的好處就係香港帶錢到大陸存款時，可以好快就把錢存好，唔駛左怕右怕，怕自己張錢丟左唔知去邊又唔怕坐車行街時比人扒左去。 下面幅圖就係福田口岸嘅建行，地址係福田區裕享路46號。係口岸地鐵站出來過馬路，然後向右走，好快就可以見到。入去同大堂職員講要開戶口就得。

中國廣東省深圳市福田區裕亨路46號建設銀行地址

開戶口果時有職員帶你到電腦前面要你輸入自己在香港的地址。由於唔知點用佢地果啲拼音輸入法，所以要職員幫手入。 輸入時非常求其，佢只係同我輸入左區名，街名同街號，但係當我同佢講我個單位係幾樓時，對方竟然話唔洗。估計如果銀行有信比我，我都唔方會收得到。不過係呢個數碼年代，戶口綁唔綁定住址唔重要，但一定要綁定手機號碼。嘅係你要用一個而家同以後都能夠用到的電話號碼，所以咪要養著張電話卡。 接著就係另一個職員處理個申請。佢會問你要不要開通網上理財，緊係要啦。唔開點用支付寶。另外他會問你買唔買USB e盾，一般十幾到幾十蚊。個USB係佢地網上交易嘅安全裝置。因為開呢個戶口主要就係為左開通大陸支付寶，所以個 e盾對我地來講乜作用，可以唔買。然後就係佢地部電腦度選定網上登入名稱同密碼。最後佢會比張銀行ATM卡我地。攞到張咭後就可以去出面啲櫃員機入錢或者撳錢。銀行咭上個號碼之後會用來綁定支付寶帳戶。嘁大陸開戶好處就係好似開左個防火牆咁。萬一大陸個戶口發生左乜資料外洩事件，由於個戶口同我地本身香港，台灣個銀行戶口無任何連繫，所以對我地個戶口唔會有任何影響。

喺大陸，銀行自動櫃員機ATM到處都可見到，非常方便。用唔同銀行ATM機提款，大陸就叫跨行提款，要收返款項0.5到1個百分比手續費。咁都好正常。但是原來係其他省份就算用返同一間銀行ATM機提款或存款時，佢都會收手續費。一般係款項0.5%。如果又要跨行又要跨省撳錢，手續費大約係款項1到2個百分比。嘅係話攞一百蚊就會比佢食左1到2蚊。雖然有手續費，但係點都好過自己帶太多錢周圍走。