旅行必備物品 藥品及其他用品(廣東話版)

傷風感冒藥:
中國南北天氣好唔同，郊外城市溫差可以好大。喺山區便可以有一天四季嘅感覺。加上舟車勞頓，好容易喺途奶嘢中傷風感冒。大陸係唔會有我哋喺香港買到奶嘢必理痛或者幸福傷風素，佢地只係得佢地啲中成藥藿香正氣丸/藿香正氣水或者板藍根。所以有需要奶嘢一定要自自己帶。如果真係沒帶，只好買佢地果啲。可以放心嘅就係佢地到處都係藥店，好容易可以搵到。

腸胃藥:
旅行期間早午晚三餐經常食無定時，又或者遇上水土不服或食物唔乾淨嘅情況。有時見到正嘢就會有機會暴飲暴食。咁樣都會引發胃腸問題。小則胃痛，胃仙U可以搞掂。大則又屙又嘔或者食物中毒。對於我地南方人嚟講，中國大陸好多地方食嘅嘢都係辣嘅。就算叫佢唔好落辣椒，佢地啲餸菜都係有一啲啲辣。唔習慣咁食就會水土不服。有一次我更加係喀什噶爾食物中毒。好彩帶左正露丸。食左藥，休息同屙嘔左成日之後，我又可以繼續行程。如果唔係及時食藥，可能要係醫院住返幾日。所以我都係強烈咁建議大家帶啲去。

口罩:
對於有睇新聞嘅人嚟講，都會知道大陸空氣污染問題嚴重。雖然唔係每日都係霧霾天氣，但係帶左口罩可以有備無患。而且大陸嘅火車卡之間果個位置係可以食煙，煙味會飄到車廂之中。就算係其他禁煙區，好似汽車站個候車廳一定會有質素低嘅中國人係度食煙。甚至有人喺巴士上面食，所以唔食煙嘅朋友一定機會用口罩。

雨具:
無論春夏秋冬，大陸都係機會下雨落雪。如果覺得雨遮太大，又覺得自己好幸唔會落雨嘅話，可以帶件方便雨衣。喺香港買都係十蚊件左右。佢比雨遮細得多，但當然佢又無遮咁耐用。

扇:
怕熱嘅人咪帶把去。

針綫:
一般旅行係唔會帶太多衫。要記著就係能夠帶少啲就帶小啲。一般三套衫都好夠。喺秋冬時北方天氣好清爽，可以唔駛每日換衫。對於長時間玩的人，除左每兩日左右洗下衫外，都要諗下套衫都有機會破損。所以如果唔買新衫，就要自己修復。咁就要用到針綫。

衣架:
酒店旅舍唔一定有衣架提供。洗完衫後如果無曬衫，衫褲可以一日都唔乾。下西幅圖最右手面就係一個旅行衣架。比較易收起嚟。

尿袋(移動電源):
咁就要睇下你個電話用幾多電。我去果時帶左兩個尿袋。大部分時間一個 20000mAH 的尿袋都夠一日用。但係有時因為玩成日之後又要立刻去坐另外一日火車或都大巴，咁咪要用用上第二粒電池。其實都真係要睇下你點用部手機。用佢嚟影相玩遊戲睇地圖舊電咪快啲打柴，我自己部機最快可以喺四個鐘內用哂舊內置電池。喺大陸，手機就係地圖，會教你啲路點行，交通工具點搭，旅舍點去。所以一定要確保手機夠電。