點係中國大陸用手機上網(廣東話版)

上編文章講左點係中國大陸開電話卡。雖然張咭都有上網工能，但係收費好貴。如果用佢來上網，預付啲錢唔洗幾日，或者一日就會用哂。如果旅行的時間比較長，可以考慮買返張數據咭。喺攤檔一張半年期全中國有效的12G數據咭要420元，要注意係全中國都能用果啲，唔係只計省流量的果啲先好買。買呢張卡的好處就係即買即用，一定用到，如果唔得可以立即問吓個檔主搞乜。

半年期全中國有效的12G數據咭

呢啲卡淘寶網都有賣，用「12G流量卡全國」字眼就可以搵到。價錢亦比深圳關口攤檔平啲。買果時請注意要買全國的流量，唔係省內的流量。我個人係中國一個月就用到大約4g的數據，主要係用來睇世圖、買火車飛、搵酒店旅館、搵景點資料、同係其他國家以外的家人朋友Whatsapp或同大陸朋友微信。三個月時間差唔多用哂12G數據。

而家(2016/17)中國移動網絡覆蓋率最高，喺西藏無人區同新疆沙漠地帶都可以收到2g信號。中國聯通訊號無咁勁，但係速度比中國移動快。中國電信信號就係最弱，但係有訊號果時速度就係最快。如果要去偏遠地方，可以攔中國移動。要注意，就算而家西藏同新疆地區係在4g服務，外省4g電話卡喺果度最快只係用到3g信號。